वीर शिरोमणि दुर्गादास राठौड़ की जयंती पर सत सत नमन।।
वीर शिरोमणि दुर्गादास जी राठौड़
को समर्पित कुछ दूहे।
ठा. अजयसिंह राठौड़ सिकरोड़ी कृत
आसकरण घर आवियो,सुभट्ट वीर सुचंग।
कुळ री राखण कीरती,रांगड़ दुरगो रंग।1।
राठौड़ी कुळ राखियो, माझी दुरगो मान।
भालो भळ भळकावियो,सूरै राखण शान।2।
दड़बड़ घोड़ा दौड़ियां,जबरो लड़ियो जंग।
मार मुगलिया मोकळा,रांगड़ दुरगो रंग।3।
सांमी भगती साधना, रजवठ राखी रीत।
घुड़ले माथै गाबरू, नेम निभावण नीत।4।
रचयिता अजयसिंह राठौड़ सिकरोड़ी
No comments:
Post a Comment